Ụfọdụ Egwu Alụmalụ Ọdịnala Igbo: Mbụrụ Ndụmọdụ Nye Ndị na-aba n’ogo Alụmalụ Maka Mmepe Obodo

Abstract

Ụmị edemede:
Na mbụ, ndịigbo na-esite n’egwu alụmalụ enye ndị na-aba n’ogo alụmalụ ndụmọdụ iji chekwaba ezinaụlọ ha. Alụmalụ ebe a bụ nke na-adị n’etiti nwoke na nwaanyi. Alụmalụ na-enwe ebe mgbakwasị ụkwụ. Ọ bụ ebe mgbakwasị ụkwụ ahụ na-eme ka alụmalụ nwee udo na ugwu. Ka ọ dị taa, ọ dịzị ka ọ bụ n’alụmalụ ụfọdụ ka ọgụ Naijiria na Biafra jere were ọnọdụ n’ihi tigbue-zọgbue dị na ha. Otụtụ chere na ọ bụ naanị n’ịhụnaanya ka alụmalụ na-ehibe isi. Ọ bụ nke a mere e jiri bagide nchọcha iji site n’egwu alụmalụ ọdịnala Igbo ụfọdụ chọpụta etu ndịigbo si eji mbụrụ were na-adụ ndị na-aba n’ogo alụmalụ ọdụ iji mee ka ha mata ihe ha na-aba n’ime ya. Usoro nnweta ngwa nchọcha bụ: nlere nsonye na ajujuọnụ. E ji atụtụ echiche mbụrụ nke Charters Black (2004) tụchaa data. A chọpụtara na; anaghị enye ndị mmadụ ndụmọdụ tupu ha abanye n’alụmalụ bụ na-ebute nsogbu. Naanị ịhụnaanya abụghị ihe a chọrọ. A na-etozu etozu abanye n’alụmalụ. A tụkwara aro ka a laghachi azụ n’usoro emume alụmalụ ọdịnala nke ji egwu enye ndụmọdụ dịka ọ dịbụ na mbụ. Nke a ga-eweta ezi mkpụrụ ma mee ka udo, agamniihu na nghọta lọghachitekwa n’ezinụlo niile.